www.shehaba11.mam9.com

عزيزي الزائر ...


المرجو منك أن تشرفنا بالتعرف عليكم إذا لم تكن مسجل لدينا
برجاء ان تسعدنا بالتسجيل وتشرفنا بالدخول.

SHEHAB

www.shehaba11.mam9.com


 
الرئيسيةHHاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 الحنة في الخليج(.. ليلة حنتنا غير ..)

اذهب الى الأسفل 
كاتب الموضوعرسالة
love

avatar


مُساهمةموضوع: الحنة في الخليج(.. ليلة حنتنا غير ..)   الأحد سبتمبر 26, 2010 2:13 pm

قبل أيآم كآنت عندنآ منآسبآت زوآجآت الله يجعل بيوتكم عآمرة بالأفرآح

ومن أسآسيآت الأفرآح عندنا ليلة الحنآء الشعبية والمتعآرف عليها
مع بعض الإختلآفأت البسيطة عن العآدآت القديمة إلا إن هالليلة تتميز
بـ بسآطتها و ونآستها غير يمكن لأن الزوآج له رهبته و رسمي أكثر


العروس في ليلة الحناء تكون مغطية ماحد يشوفها غير أهلهآ حتى لو في
البيت الى يوم الزواج وفستان الحنة له اشكال و أسماء مختلفة كثير .
وحسب لون فستان العروس يكون لون كل شيء وعروسنا كان لونها
أصفر و ذهبي


وهالليلة من المتعارف عليه ان أم العروس هي اللي تقوم فيها ..
وكل الاهل يشاركون أم العروس هالليلة من هدايا وحلويات ... الخ


وبمآ إن العروس غآلية علينا حيل ومانعتبرها إلا أختنا أو بنت أختنا
حبينا نساعدها في بعض الشغلات الأساسية في مثل هالليلة
وهذي ورشة عملنا على الصوآني و هدايا التوزيع




جد كثير على تقاليد هالليلة منها التوزيعات تكون عبارة عن :

هدايا حناء جافة أو شموع بالاضافة الى ان العروس يسوون لها كوشة صغيرة
وبعد ماكانت في البيوت صاروا يسوونها في صالات حفلات مثل الزواج بالضبط
و المتعآرف عليه ملآبس الحفل تكون غالبا جلآبيآت سوآء كآنوآ صغار أو كبآر
زمان كانوا يحنون العروس الحين صاروا ينقشونها وطبيعي يوم الحنة كل الأهل
يجون في بيت العروس اللي بدورهم يجيبون نقاشة ويتحنون صغار او كبار
وعندنا ليلة الحنة نادرا مايكون فيها طقاقات لان محد يعرف طقوسنا غيرنا
وتكاليف الحفل في الصالات ماتفرق كثير عن اقامتها في البيت لان كل شيء
في الحفل بسيط وغير متكلف ابدا Smile

قولوا مآشآء الله وسموا بالله ونبتدي مع الصور


هذي ورشة عمل هدايا الحنة



وهذي النتيجة وكان المفروض تكون ضمن تنسيق الطاولة



وهذي توزيعات سوتها قريبتي ( أنوسة ) طريقة التقديم حلوة واقترحت عليها المرة
الجاية تسوي التوزيعات الداخليه بنفس فكرة التقديم الخارجية وجازت لها الفكورة


بس لاتنسين أنوستي ان تصويري حلاها بعيونك أكثر << برآآآ






و من التقاليد القديمة والأسآسية في الحنة اللي يسمونها ( صواني الحناء )



عبارة عن صينية فيها حناء معجونة وفي وسطها شمعة اذا دخلت العروس يزفونها

وحولها يمسكون هالصواني واذا وصلت يجلسونها على كرسي ويدورون
حولها فيهم ويغنون اغاني شعبية بعدين يجلسون حولها و يحطون هالصواني
على الأرض ويكملون اغانيهم وفي نهاية الحفلة يتقاسم المعازيم الحناء او يتحنون فيها .
الفكرة كانت المفروض بطريقة مختلفة لكن مالقينا الصواني اللي نبيها
ولكن سوينا شيء مشابه للفكرة اللي براسنا ..




ليلة الحنة سألنا العروس عن تجهيز الطاولات قالت انها اختارت شمعدان الحلويات ووقال
لها محل يبغلف لها علب مناديل و قارورة موية كبيرة بس اقترحنا عليها فكرة ثانية بحيث ان
كل شخص قدامه فيه منديل و قارورة موية وفنجان القهوة والشاي وحبة شوكليت وتوزيعة حنة

جازت لها الفكرة بس الوقت ما اسعفنا ابد نسوي الشوكليت والتوزيعات فضلت انها تقدم في سلات

وجهزنا لـ 18 طاولة و 144 كرسي بس ما تذكرت اصور حوسة التجهيز هالمرة
لان الوقت مرة ضيق والكمية كبيرة بس ماشااءلله علينا خلصناها بوقت قياسي
وكمفرش في وسط الطاولة استبدلاناه بـ تل أصفر من نفس لون صواني الحناء .

ولان المحلات مالقيت فيها كل شيء متوفر بالكمية المطلوبة جهزنا من كل شكل
عدد معين من الطاولات حتى يتوحد الشكل على نفس الطآولة .
ولأن الحفلة عائلية تجاوزنا عن هالتنويع


ورشة العمل كانت تتضمن :
ماء + منآديل + ورق تغليف اصفر + وردات + شريط ذهبي عريض و وسط + مقص + مسدس صمغ

وهذي النتيجة

.. 1..





.. 2 ..





.. 3 ..





وهذا شكل الطآولات بعد ما رتبناها













وهذي الكوشة اختيار عروستنا ولان المحل مااضاف شيء على الاستاندات الا
مفارش لونها كموني استبدلاناها بصواني الحناء وطلع شكلها مرتب و حلو

اضغطوا على الصورة تشوفونها بشكل أوضح



وبعد ما وصلت العروس وخلصوا طبل وأغاني طلعت جلست في الكوشة
زفوا الهدايا معاها من قبل ورتبناها على الكوشة حتى نصورها قبل توزيعها
الصورة مشوهة كثير لاني ماصورت ولا صورة الا بعد مادخلت عروستنا فلازم قص وتعديل




.. الله يوفقنا عرسانا ويسعدهم في حياتهم ويوفق الجميع ..

.. ان شاءالله تكون حفلتنا اعجبتكم والله يديم علينا وعليكم المنآسبآت السعيدة ..



و أخيـــــرا

الموضوع للجميع لكن ما أسآمح أي كآن
ينقل الموضوع ويحذف اي جزء منه حتى هالإقتباس او يعدل على الصور او يعيد رفعها على موقع آخر

.. تقبلوآ مني أعطر و أعذب تحية ..

..noor-elshams ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحنة في الخليج(.. ليلة حنتنا غير ..)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.shehaba11.mam9.com :: حواء :: تجميل-
انتقل الى: